გეოგრაფიული მდებარეობა - 15 ნოემბერში 2013

მთავარი » » გეოგრაფიული მდებარეობა

10:51 AM გეოგრაფიული მდებარეობა
გეოგრაფიული მდებარეობა ქალაქი ქუთაისი მდებარეობს დასავლეთ საქართველოს ცენტრალურ ნაწილში. იგი გაშენებულია იმ ადგილას, სადაც მდინარე რიონი თავისი ვიწრო და საკმაოდ ღრმა ხეობიდან ფართო ვაკეზე გამოდის. ქუთაისის გეოგრაფიული ადგილმდებარეობა განისაზღვრება აღმოსავლეთ გრძედის 42 15' და ჩრდილოეთით განედის 42 40'-ით. მისი ფართობი შეადგენს 70კვ.კმ-ის. მიწა ქალაქის საზღვრებში (ზედაპირი) 67,9 კვ.კმ, ურბანიზებული მიწა 55კვ.კმ. ქალაქის პირველადი საგზაო ქსელის სიგრძეა 3231,3 კმ. ქალაქის განაშენიანებული კვარტლები ჩრდილოეთიდან სამხრეთისკენ გრძელდება 7კმ-ზე, ხოლო აღმოსავლეთიდან დასავლეთისკენ 20კკმ-ზე. ყველაზე დაბალი მდებარეობა აქვს სამხრეთ-დასავლეთ განაპირა უბნებს, რომლებიც განლაგებულია ზღვის დონიდან125-130მ-ზე, ხოლო ჩრდილოეთ-აღმოსავლეთით დასახლება თანდათან მაღლა მიიწევს ფერდობებზე და ტყიბულის გზატკეცილის გასწვრვივ აღწევს 300მ სიმაღლეს. ჩრდილოეთიდან ქუთაისს ესაზღვრება სამგურალის ქედის სამხრეთ დაბლობების კალთები და მდინარე რიონსა და წყალწითელას შორის აღმართული მაღლობები: მწვანეყვავილა, ჭახათა, აღმოსავლეთით მდინარე წყალწითელა, ხოლო სამხრეთით და დასავლეთით- კოლხეთის ვაკე-დაბლობი. ქუთაისი წარმოადგენს ვრცელი რეგიონის-იმერეთის მხარის ადმინისტრაციულ ცენტრს. იმერეთის ტერიტორია (6,5 ათასი კვ.კმ) განფენილია დასავლეთ საქართველოს აღმოსავლეთ ნაწილში. სადაც ვერტიკალურ ჭრილში, (ზღვის დონიდან 20მეტრის სიმაღლიდან 2850 მეტრ სიმაღლემდე) გვხვდება ყველა ლანდშაფტური სარტყელი-ნოტიო სუბტროპიკებიდან დაწყებული ალპური მდელოებით დამთავრებული. ამ თვალსაზრისით იმერეთის მხარე თავისებურ ლანდშაფტურ კვანძს წარმოადგენს. რეგიონი ძალზედ მდიდარია შიდა წყლებით. მთავარ ტრანზიტულ მდინარეებს მიეკუთვნება რიონი, ხანისწყალი, ყვირილა და ცხენისწყალი. მათ იმერეთში მრავალი შენადენი გააჩნიათ. ისინი საზროობენ წვიმის, თოვლისა და მიწისქვეშა წყლებით. ქალაქი გარშემორტყმულია მრავალრიცხოვანი ტყეებითა და წყალსაცავებით. ქუთაისსა და მის შემოგარენში თავმოყრილია მრავალი ისტორიული და არქიტექტორული ძეგლი. უნდა აღინიშნოს, რომ ტურისტული ინფრასტრუქტურა დღეისათვის ზომიერადაა განვითარებული. კლიმატი ქუთაისი მდებარეობს სუბტროპიკულ ზონაში. ჰავა ზომიერად ნოტიო სუბტროპიკულია, ზომიერად თბილი ზამთრითა და შედარებით მშრალი და ცხელი ზაფხულით. ხშირია აღმოსავლეთის ფიონური ქარები. საშუალო წლიური ტემპერატურა 14,5 C-ია, იანვრის 5,2 C-ია, ივლისის 23.2 C-ია. აბსოლიტური მინიმუმი 17 C, მაქსიმალური ნიადაგები მთიანი და ვაკე რელიეფის საზღვარზე მდებარეობის გამო ბუნების სხვა კომპონენტების მსგავსად, ქუთაისისა და მისი შემოგარენის ნიადაგებიც დიდი მრავალფეროვნებით გამოირჩევა. გეოლოგიური აგებულება, რელიეფი, კლიმატი და მცენარეული საფარი განაპირობებენ ნიადაგის მრავალფეროვნებას. ქუთაისის მიდამოებში უპირატესად გავრცელებულია ალოუვიური, სუბტროპიკული, ეწერი ყვითელი მიწა, ნეშომპალა-კარბონატული და ყომრალი ნიადაგები. მდინარეთა ტერასებზე გვხვდება უპირატესად უკარბონატო-ალუვიური ნიადაგები. ქუთაისის სახმრეტ-დასავლეთით წარმოდნელილია ძველი ალივიურიბ რიყნარინიადაგები, რომლებოც ფართოდაა გავრცელებული რიონის მარჯვენა სანაპიროზე. ფარცხანაყანების, ქვიტირის, მესხეთისა და სხვა სოფლებში, აგრეთვე ქალაქის ვაკე ნაწილის განაპირა უბნებში. ასეთი ნიადაგები გვხვდება ვრცელ მასივზე და მათი ზედაპირი ხშირად მთლიანად არის დაფარული კენჭნარითა და რიყნარით. სისქე ზოგან 100მ-ს აჭარბებს. ეს ნიადაგები ნაწილობრივ გაეწრებულია და მექანიკური შედგნელილობით სუსტი ან საშუალო თიხნარია. კენჭნარ-რიყნარი ნიადაგების ეს თავისებურებები უზრუნველყოფს ხელსაყრელ სითბურ რეჟიმს და კარგ პირობებს ქმნის საადრეო მებოსტნეობის განვითარების მიმაგრება: სურათი 1 · სურათი 2 · სურათი 3
1 2 3 4 5 კატეგორია: გეოგრაფიული მდებარეობა \| ნანახია: 2825 \| დაამატა: grandioza \| ტეგები: http://29skola.ucoz.com/_nw/0/86043 \| რეიტინგი: 5.0/2

სულ კომენტარები: 0

ჩვენი მიზნები

კონკურსის „გაიცანით ჩემი რაიონი'' მიზანია უკეთ გავაცნოთ ჩვენი ქალაქი ქუთაისი ქართველ და უცხოელ თანატოლებს. ამ მიზნით საფუძვლიანად შევისწავლეთ ქალაქის ისტორიულ- კულტურული მემკვიდრეობა, გარემოს მდგომარეობა, გარემოს დაცვითი პრობლემები, დავსახეთ ჩვენი ხედვა ქალაქში ტურიზმის განვითარებისათვის, რაზეც დამოკიდებულია ეკონომიკის სტრუქტურა, მოვიძიეთ ინფორმაცია ქალაქის ეკოსისტემის შესახებ, როგორიცაა ქალაქის გეოგრაფიული ადგილმდებარეობა, რელიეფი, ჰავა, ბუნებრივი რესურსები,წყლის რესურსების მდგომარეობა, მდინარეების დაბინძურების დონე. ამ მიზნით ბლოგის მომზადების პროცესში შევისწავლეთ უამრავი მასალა. ვითანამშრომლეთ სხვადასხვა დაწესებულებებთან: 1.კოლხეთის ჰიდრომეტეოროლოგიური ობსერვატორია, 2.გაერთიანებული წყალმომარაგების კომპანიასთან; 3. ჭომის საუწყებო ლაბორატორიასთან; 4. კულტურის, სპორტის, , ძეგლთა დაცვის და განათლების საქალაქო სამსახურთან; 5.. არასამთავრობო ორგანიზაციებთან განსაკუთრებით კი „სპექტრთან“, რისთვისაც დიდ მადლობას ვუხდით მის თანამშრომლებს. მასალის დამუშავებასას და დახარისხებისას დავადგინეთ ქუთაისის გარემოს ხარისხი, წყლის, ჰაერის, მწვანე საფარის მდგომარეობა და მათზე მომქმედი ფაქტორები, დავადგინეთ ქალაქის ტურისტული პოტენციალის რეალური სურათი და მისი განვითარების პერსპექტივები, ამისთვის შევისწავლეთ ქალაქის და მისი მიდამოების ღირშესანიშნაობები, კულტურული, არქიტექტურული ძეგლები, რომლებიც ძვირფასი თვლებივით ბრწყინავს ჩვენი ხალხის უძველესი მატერიალური და სულიერი კულტურის საგანძურში. მუშაობისას გამოვიყენეთ ქიმიის, ბიოლოგიის, გეოგრაფიის, ისტორიის, სამოქალაქო განათლების, ისტ-ის და სხვა სასკოლო დისციპლინებში მიღებული ცოდნა. კონკურსში მონაწილეობის სარგებლიანობა გამოიხატება იმაში, რომ ჩვენსსა და ჩვენს თანატოლებში გაიზარდა ინტერესი გარემომცველი სამყაროს კვლევის, სიახლეთა აღმოჩენისა და შეცნობისათვის. გაგვივითარდა ბუნებისმეტყველებისათვის კვლევა-ძიების და მათი სხვადასხვა სიტუაციაში გამოყენების უნარ-ჩვევები: გავაცნობიერეთ სამყაროში მიმდინარე პროცესების ერთიანობა, დავეუფლებით ჯანსაღი და უსაფრთხო ცხოვრების წესს. შედეგად: გავიუმჯობესებთ გარემოს მდგომარეობას ლოკალურ გარემოში(ავანგარდის დასახლებაში). მონაწილეობა მივიღეთ ადგილობრივ მუნიციპალურ სამსახურთან ერთად სხვადასხვა გარემოს დაცვით აქტივობებში. ვითანამშრომლებთ ადგილობრივ გარემოს დაცვით და არასამთავრობო ორგანიზაციებთან. ჩართული ვართ მათ მიერ მოწყობილ სხვადასხვა ტრენინგ- პროგრამებში. აღსანიშნავია,რომ არასამთავრობო ორგანიზაციის „სპექტრის“ საერთაშორისო პროექტის პრეზენტაცია სავარაუდოდ გაიმართება 27-29 ნოემბერს, ამ პროექტის განხორციელებაში ჩვენი გუნდის წევრები მივიღებთ მონაწილეობას, რისთვისაც დიდ მადლობას ვუხდით ორგანიზაციის თანამშრომლებს.

Block title